دورة النساء والولاده ...

دوره ،،، ماأدري وش أقول عنها !!...

التخصص هذا حصل عليه كثير من المشاكل والتساؤلات ...

ليش يدرسونه الطلاب (الذكور) ، والمفترض إنه يكون للطالبات فقط و و و ....

صراحة ،، أنا عن نفسي ... ما فيه أمل أتخصص نساء وولادة ... ليس نقصاً فيه كتخصص (فهو كتخصص يعتبر من أصعب التخصصات فهو يجمع الباطنه والجراحه والطواريء والجلديه و و و و ) ، لكن السبب في نفوري (وكثير من الطلاب عنه ) بعد صعوبته ، هو كثرة الإحراجات فيه ، وإن المريضان يرفضون الطبيب الرجل ، حتى لوكان إستشاري ،،،،
طيب وش الحل ، إذا كان حتى الطالبات ما يبغون هالتخصص (أو مايقدرون يستحملون القلق والضغط اللي فيه ) ؟؟!! ....

وقال البعض(ومنهم بعض طلابنا): المفروض الطلاب ما يدرسون هالتخصص ....
لكن أبغى أعرف ، هاللي مايبغون يدرسونه ، بكره لو كانوا في الطواريء ، وجتهم حالة (نساء وولادة) مثلاً... نزيف أو إسقاط جنين ، أو أي حاله أخرى من (هذا التخصص) .... كيف يقدرون يتعاملون معها ؟؟!!!
وحتى لو أرادوا تحويلها على قسم آخر ... كيف بيقدرون يعرفون التشخيص (من الأساس) عشان يحولونها على القسم المناسب .... وغيره من الأسباب اللي ماتحضرني الآن والتي تحتم على الطبيب أن يكون ملم بهذا التخصص ...

نكمل بإذن الله ....