أول تطبيق في المستشفى
كان موعدنا مع اول تطبيق لنا في المستشفى الجامعي ، وذلك في مادة الجراحه
كم كنا ننتظر هذه الفرصه على أحر من الجمر
بداية عالم الطب الحقيقي ،،، كنا نحلم بهذا اليوم منذ أن بدأنا الدراسة بالكلية
* (سشن) هذا المصطلح ، يعني درس التطبيق بالمستشفى ،،، والبعض ينطقها ششن ،لا تسألوني عن السبب
كان قائدنا في مادة الجراحه هو قلب الأسد
ذهب لقسم الجراحه ، أعطوه جدول توزيع المجموعات
عرفنا من الجدول أن بداية (السشن) ،، الساعه التاسعه صباحاً في المستشفى الجامعي
جيت مبكر ، كعادتي ( لم تعد كذلك )
دخلت المستشفى => تعتبر كليتنا جزء من المستشفى وبينهم بعض التداخل ، لكن كنت ( مثل الكثيرين غيري ) لانعرف من المستشفى (قبل سنه ثالث) إلا شكل المبنى من الخارج ، والبهو حقه ،،،
دخلت الممر المتجه لأجنحة المرضى ،،،
تجاوزت رجل الأمن ( الذي يمنع دخول غير المرخص لهم ) وأنا أحس إني مافيه مثلي :) ياحبي للبطاقه
اتصلت على قلب الأسد ، لأسئله عن الجناح اللي بنداوم فيه
أخيراً تجمعنا في الجناح رقم ....
تأخر البعض ،،، ماأذكر من اللي تأخر بالضبط ، لكن دائماً آخر واحد يداوم في القروب هو المستشار ، وأول شخص يحضر هو كوكي ، البقيه بين وبين إلاّ أنهم أقرب لما يفعله المستشار : ) => لاتاخذون صوره سيئه ، بتعرفون مع الوقت ليش صرنا كذا !!
في الجناح ..
أخذنا نطالع في وجوه بعضنا البعض !!! ،، وش نسوي ، وين الدكتور => ماندري ، وماأحد عنده فكره عن المطلوب مننا قبل السشن ،،،
قعدنا ساعه في الجناح ، رايحين جايين ، نسأل عن الدكتور ......
المهم ،،، قفلت معنا ،،،،
فكرنا نمشي (نسحب) ... بلا سشن بلا هم
لكن حب الفضول ، ولأنه أول عملي ، قلنا نصبر وننتظر
وكعادتنا ،،، أثناء الأزمات ،،، تكثر الآراء ، ولا أحد يسمع لغيره ،،، وآخر شيء مكانك سر !!
وأثناء جلوسنا في الانتظار في الجناح ،،،، نظرنا لمكتب بابه مفتوح للنصف ،،،
ويظهر خلف المكتب ، دكتور ........ ماني قايل أوصافه
تجرأ واحد من الشباب ، ماأدري من هو ( يمكن يكون أنا ، لأن فيني لقافه أحياناً : )
وراح للمكتب ،
طق طق طق ،
السلام عليكم
وعليكم السلام
لو سمحت دكتور ، حنا قروب .... واليوم عندنا سشن مع الدكتور ..... وماندري وينه
كنتووو فييييييين !!! ، تعال ياإبني ،،،، ميعاد السشن يبدأ إمتا ؟؟
الساعه تسع
طيب و دلوئتي الساعه كام ؟؟؟
مدري => تصريفات غبيه
فين صحابك
كلهم جالسين في الانتظار
ناديهم بسرعه
جاء الشباب ، دخلوا المكتب
تحاشرنا ، وجلسنا في المكتب ذي الطول واحد ونص متر في مترين ، ومافيه غير6 مقاعد ، مع إننا 10 ومافيه مكان للوقوف
وجوه الشباب تبعث بالأمل ، فأخيراً انفرجت ، وسيبدأون أول سشن في حياتهم
الدكتور ،،، قافله معاه
طيب مو ذنبنا ،، كيف ندري وينك ،،
وبعدين أنت ياورع ليش ماتقوم تدور علينا في الأسياب ؟
الجمله الأخيره ، كنت أقولها أنا في نفسي ، يوم قام يتفلسف علينا
وقعدنا نحاول نشرح له ، وهو مصر إننا الغلطانين ،،،
تعاملنا معاه مثل الأسلوب اللي يحبه أغلب الدكاتره ،،،
نبلعها .. خلاص ، أنت الصح وحنا الغلط ، أنت اللي تعرف كل شي ، وحنا اللي ماعندنا عقل !!
ظلم صح ، لكن لو مانتبع هالأسلوب ، رح ننظلم أكثر !!
قعد يتكلم كلام كثيييييير بدون فائده ،،،، مابعد دخلنا بموضوع الدرس !!
المهم عرفنا إنه كان المطلوب مننا أن أول مانجتمع في الجناح ، نسوي بلب – بيجر – للدكتور ، وبعدين هو يعطينا تعليماته ،،،
معلومات كان المفترض يتم إعلامنا بها من قبل ... التهزيء ،،،،،، ياما بيجيكم تهزيء بس استحملوا الله يعينكم
انتهى شريط التهزيء ،،،
بدأنا في الدرس العملي ،،،،
أخذ يعيد علينا الكلام اللي سمعناه كثيراً في الفتره الماضيه ، كيفية أخذ التاريخ المرضي ....
كلام حفظناه ، لكن ودنا نطبقه عملياً :(
بعد فتره من الشرح ( الممل ) لاحظ الدكتور أن أحد الطلاب يحمل معه أحد كتب مادة الجراحه
مارح أذكر إسم الكتاب ، لأني أخاف يكون له تأثير سلبي على مبيعات الكتاب => إخس ياموقع ياهو
الكتاب هذا قرره علينا القسم ، ومعظم الأطباء والطلاب اللي قبلنا اعتمدوا عليه
بل وأجزم أنه قرأ منه
لكن هذا الدكتور ،،،، طلب الكتاب ، ثم أخذ يقلبه بين يديه ،،،،
ثم أخذ يعيب في الكتاب ،،، ويسب في الكاتب ، وأنه يحتوي معلومات كثيره غلط => الكلام ببلاش
!!!
غريبه ،،،
هل وصل الغرور ، لهذا الحد
ماعلينا
بلعناها مثل اللي قبلها ، أهم شي نبغاه يشرح لنا المفيد ،،
بعد شوي ،،،،،
ترن ترن
اتصال على تليفونا المكتب
يرد الدكتور ،،،
على الخط ، زوجته ، تكلم من مكه
ومسك خط سواليف معها ، ولاكأننا موجودين !!
إزاي مكه ، كيف الجو ، إنتو عاملين إيه
و و و و و
يؤ نسيت أذكر إننا كنا في رمضان ،
يعني صايمين وجايعين ومنهكين
لكن إن شاء الله زياده في الأجر
وبعد أن استغرقت المكالمه بعض الوقت
أقفل السماعه
ورجع وشرح لنا كلمتين على السريع ,,,
ووعدنا أن نذهب للمرضى في الأسبوع القادم :(
وهكذا ،، خرجنا من اول عملي ، بدون عملي
...
