دورة الرعايه الأوليه .... عيش حياتك

لأول مره من دخولي كلية الطب .... أحس إني فاضي ..
بعد أن كنت أتعذر دائما لزملائي في التخصصات الأخرى بإنشغالي بالدراسه ، صاروا هم اللي يتعذرون لي
كأننا في عالم لوحدنا (طلاب الدوره :) )
صراحه ... كانت دوره حلوه ... ومنقهر إنها خلصت => الله يستر من الدرجات
صحيح إن القسم ضايع ، ويضيعنا معاه ....
وإن الدرجات يحطونها (على كيفهم ) ....
وإن محاضراتهم (ماأدري وش تبي ؟!! ) ....
وإنهم يغثونك بالبحوث ....
لكن بعد ان تأكدت (من خلال تجرباتي السابقه معهم) بأن القسم (قسم طب الأسره والمجتمع) مايدري وش السالفه ، ودرجاتهم مهما تسوي مايعطونك حقك ،،،،
ما حاولت أتعب نفسي ، أعطيتهم مايستحقون ،،،، وعملت بنصيحة من قبلي ،،،، وعشت حياتي :)
الدوره هذي عباره عن 6 أسابيع ....
الدوام فيها ينقسم إما محاضرات (يوم الأحد والثلاثاء) أو دوام في أحد المراكز الصحيه (السبت والاثنين والاربعاء)
إخترت الدوام في مركز صحي يبعد عن البيت أقل من دقيقتين (بالسياره) ....
وكان يداوم معي في المركز ZoooZ
أحسن مافي (زووز) ... إنه ..... (قداااااام) = يعني يعينك على الخير ، وعلى الشر ;) => أقصد الغياب ، لايروح فكركم بعيد
وكان معنا في طالب ثالث ... ماكنّا نعرفه قبل كذا ...
في المركز .... قررنا إننا نخلي الدوام على كيفنا ... يعني مانخلي الدكتور يجبرنا على شي ... إحنا اللي نجبره ...
اتفقنا إننا نداوم الساعه 10 صباحاً ....
يوم رحنا المركز ... إكتشفنا إن الدكتور .... رهييييييييييب
إذا طفش مننا .... قال: عاوزين تروحوا تتغدوا ، إمشوا ..... => يعني افهموها وإنقلعوا ... إذا شفنا الساعه ، إلا هي 11 ونص !!!
وناسه ... دوام ساعه ونص .... ياحبني له ذا الدكتور .... في آخر أيام الدوره صرنا ندوام 10 ونص او 11 :)

بتقولون إن المفروض نستفيد والدوره ماحطوها إلا عشان نتعلم .... بأقول : وش دخلكم ... خخخخ => لا أمزح .... (بيجيكم العلم)
(قسم طب الأسره والمجتمع عارف إن المراكز الصحيه ، ماعندهم سالفه ، لذلك ، خلونا إسبوع نداوم في عيادات المستشفى الجامعي ... وخلال هذا الأسبوع إستفدنا إللى مارح نستفيده من المراكز لو داومنا سنه ، وشفنا حالات كثيره ... يعني الإستفاده حصلت )

المهم ... نرجع لدوامنا في المركز ....
إذا كنا نبغى نغيب ... نقول للدكتور ... يادكتور ، ترى يوم .... مارح نجي .... عندنا محاضرات في الكليه => استغفر الله
وهكذا .... مضى وقتنا خلال هذه الدوره ....

خلال الدوره ... كنا مطالبين ببحثين ....
أبدعنا فيها ، كتبنا ماكتبنا ، ولطشنا مالطشنا ، وأهم شي خلصنا :):)

لكن ملاحظه ....
مع كل الوناسه ، والسحبات في الدوره .... لكن المهم إن الواحد إذا جاء وقت الجد يعطي الماده حقها ...

ذاكر وإقرأ .... وإن شاء الله بتحل زين ....

تحياتي للجميع ، وتمنياتي لكم بالتوفيق